Yin Yoga framhaldsnám
Hefur þú einhverjar spurningar eða tillögur varðandi þetta námskeið? Endilega sendu mér skilaboð. Ég mun svara þér eins fljótt og auðið er. Hafðu samband við okkur.
Nánar um námskeiðið
Framhaldsnám í Yin Yoga (eða endurmenntun fyrir Yin Yoga kennara) fer fram í febrúar og mars 2027. Námskeiðinu er skipt í 2 lotur. Fyrri lotan fer fram í gegnum Zoom 13.febrúar. Lotan verður tekin upp og hægt að horfa síðar. Seinni lotan er send þátttakendum sem upptaka þann 6.mars. Hver lota er um 4 tímar.
Lota 1 snýst að mestu um anatómíu og bandvefinn. Með lotunni fylgir ítarlegt námsefni og upptökur af Yin Yoga tímum sem hægt er að iðka heima. Með lotunni fylgir einnig handrit með 15 hugleiðslum er tengjast orkurásunum. Einnig fylgja lotunni nokkur styttri myndbönd með orkurásaræfingum.
Lota 2 snýst um kínverska læknisfræði og kennslutækni. Í lotunni verður kafað dýpra í orkurásirnar (meridians) og farið í hin fimm frumefni kínverskrar læknisfræði. Í lok lotunnar verður fjallað um þema í Yin tímum.
Eins og með öll netnámskeið Karma þarf að skila inn stuttu heimaprófi eftir hvora lotu til að geta útskrifast. Námið er viðurkennt af Yoga Alliance sem endurmenntun fyrir jógakennara.
Verð kr. 59.900.