Yin Yoga kennaranám

Hefur þú einhverjar spurningar eða tillögur varðandi þetta námskeið? Endilega sendu mér skilaboð. Ég mun svara þér eins fljótt og auðið er. Hafðu samband við okkur.
Nánar um námskeiðið
Námið skiptist í 3 lotur sem fara fram fyrir hádegi á laugardögum með 3 vikna millibili.
Námskeiðið fer fram á þessum dögum:
2027
Í náminu verður farið í:
- Hvað er yin og hver er munurinn á yin og restorative yoga?
- Heimspeki yin yoga (orkustöðvar, meridians, orkulíkamar, prana)
- Anatómía og bandvefur
- Yin yoga stöður, hvernig þær eru kenndar, kostir þeirra og hvað ber að varast
- Notkun fylgihluta í tíma og hvernig má gera æfingar auðveldari og erfiðari
- Öndunaræfingar
- Kennslutækni
- Hvernig á að kenna jóga fyrir fólk með áfallasögu
- Þema og samsetning tíma
Hver lota er fyrirlestur í gegnum Zoom og að hverri lotu lokinni fá nemendur aðgang að upptökum með 20 Yin Yoga stöðum. Þetta eru þá samtals um 60 myndbönd með Yin Yoga stöðum sem nemendur fá aðgang að. Allar lotur eru teknar upp og hægt að horfa á síðar.
Engar forkröfur eru á þetta námskeið en það er fyrir alla sem hafa áhuga á Yin Yoga. Námskeiðið hentar þó alveg sérstaklega jógakennurum. Vakin er athygli á því að ekki má kalla sig jógakennara nema að hafa lokið 200 tíma viðurkenndu jógakennaranámi. Það má þó kenna Yin Yoga að námskeiði loknu. Þátttakendur fá viðurkenningarskjal að námi loknu. Frekari upplýsingar á greynis@dohomeyoga.com
Umsagnir frá viðskiptavinum
Yin yoga námskeiðið hjá Guðrúnu Reynis var hreint út sagt frábært. Námsefnið var faglega unnið og uppbygging námskeiðsins var skýr og góð. Guðrún býr yfir óendanlegri þekkingu og reynslu um jógatengd málefni og hefur hún mjög þægilega nærveru. Ég mæli 100% með Yin Yoga námskeiði Guðrúnar og ég hlakka til að taka fleiri námskeið hjá henni.
Guðrún Ýr Sigbjörnsdóttir
Ég er sérstaklega ánægð með námið í yin yoga hjá Guðrúnu í Karma jógastúdío. Allt er svo vel upp sett, glærur, video og framsetning öll. Guðrún er nákvæm og frábær kennari sem gefur nemendum tækifæri til að spyrja og spá í hlutina. Ég lærði mikið nýtt í náminu sem ég veit að gerir mig að betri kennara og manneskju. Takk kærlega fyrir mig Guðrún.
Hildur Elínar Sigurðardóttir
Þetta námskeið var virkilega gagnlegt. Fagleg og vel skipulögð yfirferð á efninu og virkilega fróður kennari.