Yoga Nidra kennaranám
Hefur þú einhverjar spurningar eða tillögur varðandi þetta námskeið? Endilega sendu mér skilaboð. Ég mun svara þér eins fljótt og auðið er. Hafðu samband við okkur.
Nánar um námskeiðið
Karma Jógastúdíó kynnir Yoga Nidra kennaranám með örlítið breyttu sniði. Námið er 15 klukkustundir og í stað þess að fara fram yfir heila helgi fer það nú fram í þremur lotum. Við hittumst 3 laugardagsmorgna á Zoom og erum ca 4 klukkustundir í senn.
Dagsetningarnar eru þessar:
Lota 1: 16.janúar 2027 kl. 9-13
Lota 2: 6.febrúar 2027 kl. 9-13
Lota 3: 27.febrúar 2027 kl. 9-13
Innifalið í verði eru námsglærur. Að auki fá þátttakendur 3 upptökur af Yoga Nidra tímum á milli lota (samtals 6 upptökur) til að iðka heima á milli lota. Einnig fá þátttakendur 5 handrit af Yoga Nidra tímum á milli lota (samtals 10 handrit) til að spreyta sig í kennslu heima á milli lota. Eftir hverja lotu þurfa þátttakendur að senda inn svokallaðar hugleiðingar um lotu, svara nokkrum laufléttum spurningum. Skírteini er ekki afhent fyrr en allar hugleiðingar hafa verið sendar inn.
Að námskeiði loknu hafa þátttakendur leyfi til að leiða sína eigin Yoga Nidra tíma (ekki þarf að vera jógakennari), en vakin er athygli á því að ekki má kalla sig jógakennara nema hafa lokið a.m.k. 200 tíma grunnnámi í jóga.
Skráning og greiðsla fer fram hér á síðunni. Ekki er hægt að taka frá pláss, ekki er hægt að skipta greiðslum og ekki er hægt að fá endurgreitt þegar námsefni hefur verið afhent eða námskeið er byrjað. Verð fyrir námskeiðið er 69.000. Allt námsefni er á íslensku.
Frekari upplýsingar veitir Guðrún Reynisdóttir á greynis@dohomeyoga.com
Umsagnir frá viðskiptavinum
Mjög fræðandi og vel uppbyggt námskeið sem sameinar dýpt jógískra fræða og hagnýta nálgun í Yoga Nidra. Kennslan var skýr, hlý og fagleg og ég upplifði mig bæði læra mikið og dýpka eigin iðkun. Það sem ég kann sérstaklega að meta er hversu þægilegt það er að námskeiðið sé kennt í fjarnámi. Það gerir það mun aðgengilegra fyrir fólk sem er í fullri vinnu, námi eða býr utan höfuðborgarsvæðisins. Þrátt fyrir fjarnámsformið nær Guðrún mjög vel til nemenda og það myndast samt hlý og persónuleg tenging sem skiptir miklu máli í svona námi. Ég mæli mjög með námskeiðinu fyrir alla sem vilja skilja Yoga Nidra á dýpri og markvissari hátt.
Karen Ýr Arnarsdóttir
Yoga Nidra kennaranámið hjá Guðrúnu var vel upp sett og fræðandi. Hún fór ítarlega í fræðin og útskýrði allt vel. Ég þekkti lítið til Yoga Nidra fyrir námið en eftir að hafa hlustað og lesið um fræðin og fengið einnig að upplifa þau á eigin skinni þá hefur opnast alveg nýr heimur og nýr lærdómur fyrir mér sem mun sannarlega gagnast mér, ekki síst fyrir mig sjálfa. Mæli heilshugar með náminu hjá Guðrúnu.
Margrét Sigfúsdóttir
Ég ákvað að taka námskeiðið hjá Guðrúnu af tveimur ástæðum. Annars vegar vegna þess að ég hef heyrt mína skjólstæðinga tala um að Jóga Nidra hafi hjálpað þeim hvað mest á fyrstu stigum endurhæfingar eftir kulnun, örmögnun, vegna vefjagigtar, long covid og ME svo dæmi sé tekið. Hins vegar vegna þess að ég hafði heyrt vel látið af námskeiði hjá Guðrúnu. Niðurstaðan er: Vandað og gott námskeið sem fór langt fram úr mínum væntingum. Nú hef ég góðan skilning á út á hvað Jóga Nidra gengur og hvernig aðferðin getur hjálpað þeim sem tilbúnir eru til að leggjast á dýnuna með opinn huga og kafa niður í undirmeðvitundina til að finna sitt sanna sjálf, sátt og innri frið.