Yoga Nidra kennaranám
Hefur þú einhverjar spurningar eða tillögur varðandi þetta námskeið? Endilega sendu mér skilaboð. Ég mun svara þér eins fljótt og auðið er. Hafðu samband við okkur.
Nánar um námskeiðið
Karma Jógastúdíó kynnir Yoga Nidra kennaranám með örlítið breyttu sniði. Námið er 15 klukkustundir og í stað þess að fara fram yfir heila helgi fer það nú fram í þremur lotum. Við hittumst 3 laugardagsmorgna á Zoom og erum ca 4 klukkustundir í senn.
Dagsetningarnar eru þessar:
Lota 1: 16.janúar 2027 kl. 9-13
Lota 2: 6.febrúar 2027 kl. 9-13
Lota 3: 27.febrúar 2027 kl. 9-13
Innifalið í verði eru námsglærur. Að auki fá þátttakendur 3 upptökur af Yoga Nidra tímum á milli lota (samtals 6 upptökur) til að iðka heima á milli lota. Einnig fá þátttakendur 5 handrit af Yoga Nidra tímum á milli lota (samtals 10 handrit) til að spreyta sig í kennslu heima á milli lota. Eftir hverja lotu þurfa þátttakendur að senda inn svokallaðar hugleiðingar um lotu, svara nokkrum laufléttum spurningum. Skírteini er ekki afhent fyrr en allar hugleiðingar hafa verið sendar inn.
Að námskeiði loknu hafa þátttakendur leyfi til að leiða sína eigin Yoga Nidra tíma (ekki þarf að vera jógakennari), en vakin er athygli á því að ekki má kalla sig jógakennara nema hafa lokið a.m.k. 200 tíma grunnnámi í jóga.
Skráning og greiðsla fer fram hér á síðunni. Ekki er hægt að taka frá pláss, ekki er hægt að skipta greiðslum og ekki er hægt að fá endurgreitt þegar námsefni hefur verið afhent eða námskeið er byrjað. Verð fyrir námskeiðið er 69.000. Allt námsefni er á íslensku.
Frekari upplýsingar veitir Guðrún Reynisdóttir á greynis@dohomeyoga.com
Umsagnir frá viðskiptavinum
Ég ákvað að taka námskeiðið hjá Guðrúnu af tveimur ástæðum. Annars vegar vegna þess að ég hef heyrt mína skjólstæðinga tala um að Jóga Nidra hafi hjálpað þeim hvað mest á fyrstu stigum endurhæfingar eftir kulnun, örmögnun, vegna vefjagigtar, long covid og ME svo dæmi sé tekið. Hins vegar vegna þess að ég hafði heyrt vel látið af námskeiði hjá Guðrúnu. Niðurstaðan er: Vandað og gott námskeið sem fór langt fram úr mínum væntingum. Nú hef ég góðan skilning á út á hvað Jóga Nidra gengur og hvernig aðferðin getur hjálpað þeim sem tilbúnir eru til að leggjast á dýnuna með opinn huga og kafa niður í undirmeðvitundina til að finna sitt sanna sjálf, sátt og innri frið.
Eydís Valgarðsdóttir, sjúkraþjálfari
Ég tel að yoga nidra kennaranámið uppfylli þau faglegu og fræðilegu viðmið sem eðlilegt er að gera kröfur um. Námið er vel uppbyggt, með skýra markmiðasetningu og góðu jafnvægi milli fræðilegrar þekkingar og verklegrar þjálfunar. Kennsluaðferðir eru markvissar og styðja við hæfni þátttakenda til að miðla aðferðinni á ábyrgan og faglegan hátt. Að mínu mati veitir námið traustan grunn fyrir kennara í yoga nidra og er vel til þess fallið að uppfylla skilyrði um réttindi sem Yoga Nidra kennari.
Kristfríður Stefánsdóttir
Ég naut þess að taka þátt á námskeiðinu hjá Guðrúnu. Hún hefur lagt metnað í kennsluefnið og framsetningunni á því. Einnig tókst henni að fá fram góðar umræður í hópnum þar sem farið var á dýptina í kennsluefninu. Námskeiðið var hæfilega langt, aðgengi að því fínt þar sem það var kennt í fjarnámi og því aðgengilegt fyrir þau sem ekki eiga heimangengt. Námsefnið var gott og varð til þess fyrir mig persónulega að endurvekja áhuga minn á yoga sem iðkun heilt yfir. Kröfur til nemenda á námskeiðinu hæfilegar og endurspegluðu eigin vegferð í náminu. Ég mun fara á fleiri námskeið hjá Guðrúnu og get mælt eindregið með henni sem kennara og námskeiðum hjá henni.